禮拜一啲人真係騎呢啲⋯
1. 師奶喺電話問：「由某某山長水遠嘅地鐵站搭車過到嚟診所要幾耐？」
姑娘：「唔知」
師奶：「姑娘點解你會唔知？」
姑娘：「我都唔係由呢個地鐵站返工，我點解會知？」
大佬，我地唔係Google Map。你自己Search下啦。
2. 病人想洗傷口，但係唔想比額外錢。仲大聲同我地講，話你哋用少少消毒藥水同埋膠布之嘛？駛乜收額外錢？
少少少少加埋就好多㗎啦。我又唔係開善堂？同埋你俾嘅錢係包埋姑娘嘅專業洗傷口知識同埋Skills。你咁叻你自己洗！
3. 今朝一早book滿晒症，有人打電話來話即刻想睇，同佢講無位。佢好串話而家肚痛，10分鐘後就過嚟，就咁Cut左姑娘線。霸王硬上弓。
餐廳滿座冇位，你可唔可以夾硬坐喺人哋大髀，跟住扮冇事喺度叫嘢食啊？
4. 臨收工5分鐘，又有人打電話嚟想即刻睇醫生。今日full晒同佢講無位。佢反問姑娘，我要攞今日假紙，咁樣你解決唔到我嘅問題。
姑娘唔係用嚟解決你呢啲問題架大佬。要攞假紙就唔該早啲嚟睇！同埋睇左都唔一定有假紙攞架傻佬！
5. 姑娘幫病人探熱，冇發燒。但係佢覺得自己有發燒。OK，用埋第二架機再探熱，都係冇。兩隻耳仔都探埋，都冇。佢都係覺得自己發燒，仲要應該依家38度。
你係人肉探熱計咩？！
Search